"Сүйіспеншілік пен шығармашылық педагогикасы" атты дәстүрлі онкүндігі

 "Сүйіспеншілік пен шығармашылық педагогикасы" атты дәстүрлі онкүндігі  шаттық  шеңберімен ашылды. Шарамыздың мақсаты - оқушылардың рухани - адамгершілік қасиеттерін дамыту арқылы сүйіспеншілік құндылығының мәнін ашу.  Сүйіспеншілік пен шығармашылық  аясында  оқушыларға жалпыадамзаттық құндылықтарды  бойына сіңіру.  Онкүндіктің ашылу барысына мектеп психологтары ат салысып,  оқушыларға  жақсы көңіл- күй сыйлау мақсатында  "Тілек ағашы" тренингі өткізілді.Оқушылар мен мұғалімдер  қол ұстасып, бір-біріне жарқын  көңіл-күй сыйлай отырып, шын жүректен жылы лебіздерін білдірді. Тренинг барысында мамандар мен  оқушылардың  алақан жылуы мен жүрекжарды тілектері толған керемет ағаш пайда болып, қатысушыларға жағымды көңіл-күй сыйлады.

Алдағы онкүндікте жүргізілетін іс-шара жоспары таныстырылып, оқушыларды іс-шараларға  белсене қатысуға шақырды.

  Іс-шараның соңы "Мереке" әнімен көңілді  аяқталды.