"Жасанды интеллект-заман талабы" семинар

Бүгін қазақ тілі мен әдебиеті бірлестігінің "Әдебиеті жоқ ұлттың-өнері де өршімейді" тақырыбында өткізіліп отырған апталықтың жоспары бойынша "Жасанды интеллект-заман талабы","Эссе жазу оңай" тақырыбында  семинар өтілді. 

Семинар барысында баяндама жасаған қазақ тілі мен әдебиеті бірлестігінің мұғалімдері Г. Оралбекова, П. Абдуллаева, Г. Бектаева, М. Каримова ЖИ бойынша  бірнеше платформалармен жұмыс жасаудың жолдарын көрсетіп өтті. Оқушыларды қызықтыруда мүмкіндіктердің жаңа түрлерімен танысқан мұғалімдер кері байланысқа өте жақсы деген пікірлер білдіріп, алғыстарын айта кетті. 

П. Абдуллаева эссенің құрылымын таныстыра отырып оңай жазудың әдістерін меңгеруді талқылып, түсіндіріп айтты. 

Сөз соңында Г. Оралбекова  "Мұғалім үнемі ізденісте болу керек. Ізденуін тоқтатқан күні мұғалімдіктен қол үзеді. Жаңалыққа жанымыз құмар болып, алдымыздағы көздері жәутеңдеген оқушылардың келешегінен жауапты екенімізді ескере отырып, білгенімізбен бөлісе жүрейік! "- деп аяқтады