"Тілім-тұмарым" тақырыбында тәрбие сағаты

№60 жалпы орта білім беретін мектебінде қазақ тілі мен әдебиеті бірлестігінің "Тілім менің-мақтанышым! " тақырыбында өткізілетін айлық жоспарының негізінде 5 "Ә" сынып жетекшісі Жайынбаева Индира "Тілім-тұмарым"  тақырыбында тәрбие сағатын өтті. Сабақтың мақсаты: Оқушылардың өз ана тілінің қадір-қасиетін, өз ана тілінің көркемділігін сезініп, сөз құдіретін түсініп, оның адам өміріндегі маңызын ұғуға үйрету. Тіл тазалығын сақтау, мәдениетті сөйлеу, мемлекеттік тіл мәртебесін көтеруге ат салысуға шақыру. Сабақ барысында мұғалім Тіл туралы Заңның бекітілуі туралы сөз қозғап, мақал-мәтелдермен оқушылардың қызығушылығын арттыра білді. Худайбақов Дидар есімді оқушы М. Мақатаевтың "Үш бақытым"  поэзиясымен ұштастыра білді.