"Оқытуда әдіс-тәсілдерді тиімді пайдалану арқылы білім сапасын арттыру" қалалық семинар

Мектебімізде қалалық білім басқармасының әдістемелік орталығының бастамасымен серіктес мектептер арасындағы бекітілген жоспарға сай "Сапалы білім"  жобасы аясында "Оқытуда әдіс-тәсілдерді тиімді пайдалану арқылы білім сапасын арттыру"  тақырыбындағы қалалық семинар өтті. 

Мақсаты: 

Оқытуда әдіс-тәсілдерді тиімді қолдану жолдарымен таныстыра отырып, тәжірибе бөлісу. 

Аталған семинарға Әдістемелік орталықтың әдіскері Салибекова Мадина Шанабекқызы, білім басқармасына қарасты білім беру ұйымдарының орынбасарлары мен мұғалімдері қатысты. 

    Семинар барысында қазақ тілі, әдебиеттік оқу, жаратылыстану, математика, қазақ әдебиеті, Қазақстан  тарихы,  орыс тілі мен әдебиеті, алгебра, ағылшын тілі, математика, география,  биология пәнінің мұғалімдері командалық, кіріктірілген   ашық сабақтар және "Оқуға құштар мектеп"  жобасы аясында  танымдық сабақ өтті. Семинарға қатысқан қонақтар пән мұғалімдерінің ашық сабақтары мен сыныптан тыс  іс-шараларын жоғары деңгейде бағалап, мектеп ұжымына өз алғыстарын айтып, шығармашылық табыстар тіледі.