«Мектебім, саған мың алғыс!» салтанатты жиын

Міне, бүгін тағы бір оқу жылы аяқталып, мектеп бітірушілер мен оқу жылын аяқтаған балалар үшін «Соңғы қоңырау» соғылуда.

  №60 жалпы орта білім беретін мектебінде «1 маусым-Халықаралық Балаларды қорғау» күнінде  «Мектебім, саған мың алғыс!» атты салтанатты жиын өтті.  Мектеп директоры С.Е. Ақпанбетов ұстаздар мен оқушыларды, ата- аналарды соңғы қоңырау  мерекесімен құттықтай отырып түлектерге алдағы ЕНТ сынағынан сүрінбей өтіп жоғары деңгейден көріне берулеріне тілектес екендігін жеткізді. Сонымен қатар, бұл күн оқушыларға ғана емес, олардың ата –аналарына, сонымен бірге бір жылдық қажырлы еңбекті қорытындылайтын мұғалімдер үшін де үлкен мереке екендігін атап өтті.Қымбатты да, қадірлі ұстаздар қауымын осынау ауыртпашылығы мен жауапкершілігі мол кәсіпті атқарып жүргендеріне алғысын білдірді!